Gure planetak aurrekaririk gabeko ingurumen-krisia dauka aurretik. Arazo horren adierazgarri dira klima-aldaketa, natura-baliabideen agortzea, ekosistemen degradazioa artifizializazioaren eta kutsatzaileen isurketaren ondorioz, eta espezieen desagerpena. Gur egun, komunitate zientifikoak ez du zalantzarik krisi honen jatorria gure bizimoduaren, produkzioaren eta kontsumoaren ondorio dela. Bibertsitatea eta natura-ondarea ere biziki kaltetzen dira. Espezieen eta espazioen gehiegizko ustiapenak eragindako desagerpena izan zen alarmaren lehen seinalea, eta itsasertzeko hondakinen metaketei edo klimaren egoerari begiratu soil batek adierazten du egoerak hobera egin beharrean okerrera egin duela.
Testuinguru horretan kokatzen da «Planeta Dantzan» programa, obra artistikoetan oinarrituta gure emozioak lortu eta erreakzioa eragin nahi duena. Akeratutako diziplina dantza da, oztopo kultural eta linguistikoak gainditzen dituen arte primario eta unibertsala, zeinetan edonork parte har dezakeen, eta elkarbizitzarako bektore bikaina den, elkarrekin lotzen gaituzten interdependentzia-harremanak mugimendu batzuekin modu erraz eta intuitiboan aditzera ematea ahalbidetzen duena.
2018az geroztik, eta bakoitzak bere esperientzia positiboa duela, bazkideak programa aitzindari eta berritzaile batean batzen dira, ikasleak ingurumenaren ezagutzan eta babesean sentsibilizatzeko, ezagutza zientifikoak eta artistikoak partekatuz eta arrazionaltasuna eta emozionala lotuz. Ingurumen-hezkuntzako eta arte-sorkuntzako eragileen arteko lankidetza bereziagatik nabarmentzen da proiektu hau.
Proiektuak hasieratik izan du Euroeskualdearen finantziazioa.
